Press release, 04.05.2010

SEAT слави 60-годишнина

• Основан на 9 мај 1950 година
• Историја исполнета со настани, од сопственик на лиценца до производител на врвна технологија.
• Свежа линија на модели со специфичен карактер.
• Возбудлива иднина со јасна стратегија

SEAT го слави својот роденден – полни 60 години! “Sociedad Española de Automóviles de Turismo, S.A.” можеби беше основан на 9 мај 1950 година, но SEAT е далеку од пензионер – по историја исполнета со настани, шпанскиот производител на автомобили сега може да се пофали со специфичен карактер и јасна стратегија, со динамична линија на модели, врвна технологија и возбудлив дизајн. А Техничкиот центар во Марторел е домаќин на интензивна работа во иднина – SEAT IBE концептниот автомобил остава прв впечаток за тоа колку ќе бидат возбудливи шпанските автомобили во ерата на електромобилност.

“SEAT се движи на јасна патека кон следната фаза од својот развој. Со воведувањето на Ibiza ST и новиот Alhambra, на есен, линијата на производи на SEAT е најновата во неговата историја,“ рече Џејмс Муир, Претседател на SEAT, S.A. „Ние исполнувавме широк спектар на желби на клиентите, но секогаш нудиме автомобили со уникатен карактер. Секој SEAT е специфичен во свој дизајн, неверојатно спортски и нуди иновативна технологија со исклучителна вредност за парите. Најважни се сепак нашите силно мотивирани тимови за дизајн, развој и производство“.

Компетентност за прва класа и модерна линија на модели

60 години откако беше основана на 9 мај 1950 година, компанијата е подобро подготвена за иднината од било кога. Работната сила во седиштето во Барселона брои 11.000 со околу 1.300 лица кои работат во Техничкиот центар, центарот за истражување и развој на брендот. Централната производствена локација е постројката во Марторел, која е една од најнапредните во Европа, со високо развиени логистички системи и флексибилни производствени процеси. Околу 2.000 автомобили таму се составуваат секој ден. Уште од 1953 година, SEAT има произведено над 16 милиони возила, со тоа што во 2009 година имаше количина од 337.000 нови единици. Две третини од производството се извезува, со тоа што поголемиот дел оди на европскиот пазар. Глобално, SEAT има над 3.000 продажни и сервисни локации во вкупно 72 земји.

Со воведувањето на новото повеќенаменско возило Alhambra, на есен, SEAT ќе ја реновира целосно својата линија на модели. Таа вклучува пет палети на модели - Ibiza, Leon, Altea, Exeo и Alhambra – со широк спектар на стилови на каросерија и варијанти на моторот. Најистакнатите спортски карактеристики се претставени со моќните FR и CUPPA верзии. SEAT е исто толку успешен кога станува збор за технологиите на ефикасност – ECOMOTIVE варијантите се меѓу најекономичните во нивната класа. SEAT задоволува широк спектар на желби на клиентите, од 265 коњски сили/195 киловати кај Leon CUPRA R до емисии на CO2 од само 98 грама/км кај IBIZA ECOMOTIVE.

Нови модели за иднината

Новата Alhambra е најновиот модел во линијата на SEAT. Иновативната многустраност на целосно редизајнираното шпанско повеќенаменско возило (MPV) е совршено за семејства како и за барањата на деловните возачи кои поминуваат голема километража. Како и секој SEAT, спортскиот карактер и забавата при возењето се присутни паралелно со високото ниво на корисност. Благодарејќи на изненадувачки динамичното возење, моќните погонски линии кои се движат од 140 до 200 коњски сили и најновата опрема со врвна технологија, секој километар поминат во Alhambra претставува радост – особено бидејќи тие не се на сметка на исклучителната ефикасност. Со просечна потрошувачка на гориво од само 5.5 литри, Alhambra поставува референтна точка во својот сегмент.

Иднината започна одамна за SEAT – со тест возилото веќе прикажано во живо на Женевскиот Авто Салон за 2010 година, со името IBE. Со ова компактно спортско купе, SEAT дава импресивна изјава за прекрасниот дизајн и големото задоволство при возењето за ерата на електрична мобилност. Концептниот автомобил SEAT IBE користи погон на иднината без емисии во спортски и динамичен концепт за урбана мобилност, додека чистиот, атлетски стајлинг на IBE концептот нуди возбудлива иднина за тековниот развој на следната генерација на дизајнот на SEAT. Моќните пропорции и прецизниот и јасен јазик на дизајнот ја дефинираат постојаната еволуција на ДНК-та на дизајнот на шпанскиот бренд.

Водечка улога во технологиите за заштита на животната средина

SEAT е меѓу оние производители на возила со исклучителна експертиза во технологиите за заштита на животната средина. Во последните години, потрошувачката на гориво постојано се намалува кај поединечните палети на модели, со тоа што SEAT ECOMOTIVE се разви во бренд за возила кои имаат исклучителна ефикасност на гориво и уживаат огромен успех на пазарот. Врвната точка е Ibiza ECOMOTIVE, која се движи со просечна потрошувачка на гориво од само 3.7 литри и емисии од само 98 грама на јаглерод диоксид на километар и покрај можниот аутпут од 89 коњски сили (50 киловати). SEAT постојано ја зголемува својата ECOMOTIVE понуда, со тоа што палетите Leon, Altea, Altea XL и Alhambra треба да добијат TDI варијанти со слична ефикасност на гориво.

Следната фаза во стратегијата на SEAT e Leon Twin Drive ECOMOTIVE – функциите на неговата погонска линија со комбинација на мотор со внатрешно согорување и електричен мотор. Сепак, ова е многу повеќе од редовен хибрид – тоа е возило со електрично напојување. Неговиот литиум јонски акумулатор може да се полни од штекер, со последователен опсег од околу 50 километри. Моторот со внатрешно согорување се вклучува при подолги патувања. Производствени верзии на првата серија на Leon Twin Drive ECOMOTIVE се планирани за 2014 година.

Еден клучен аспект за оваа цел е развитокот на стратегии за зачувување на животната средина. SEAT презема амбициозен проект да создаде чиста енергија во фабриката во Марторел преку инсталирање на соларни плочи со површина од 320,000 m2 кои ќе ја направат една од најодржливите фабрики во својот сектор. Развиен заедно со Gestamp групацијата, десетте милиони вати на фотонапонски плочи на системот ќе создаваат повеќе од 13 милиони киловати на час електрична енергија годишно, или еднакво на потрошувачката на електрична енергија која ја трошат 3.000 домаќинства годишно. Истовремено, создавањето на чиста електрична енергија ќе ја избегне емисијата на над 6,200 тони на јаглерод диоксид во атмосферата.

Интензивна работа на електричниот автомобил

Развојната цел е целосно електричен автомобил од видот прикажан со SEAT IBE концептниот автомобил. IBE исто така го сигнализира и почетокот на фокусираниот проект за промоција и развој на електромобилност во Шпанија. 16 компании со водечка технологија, како и 16 универзитети и истражувачки организации со собраа за да ја формираат Cenit VERDE иницијативата.

На основа на својата експертиза во истражувањето, развојот и производството на автомобили, SEAT ја презема водечката индустриска улога во овој проект. Со поддршката од Министерството за наука и иновации на Шпанија, компанијата ќе ја истражува, развива и воспоставува основата на електромобилноста. Целта е истражувањето на технологиите за производството на електрични возила во Шпанија и воспоставувањето на поврзаната инфраструктура. Оваа иницијатива е еден од најамбициозните предизвици со кои се соочува индустријата на Шпанија. Како шпанскиот производител на возила, SEAT дава дефинитивен поттик за IBE концептниот автомобил.

Столб на шпанската индустрија

Во моментот SEAT има 13.500 вработени, и својот мултиплицирачки ефект врз каталонската индустрија е 1.6% (на 3% врз вработеноста). Според една студија од страна на каталонската влада, компанијата всушност претставува 5% од бруто домашниот производ на Каталонија и 1.5% од вкупниот бруто домашен производ на Шпанија. Во 2008 година, компанијата намени 234 милиони евра за истражување и развој и иновации (588 милиони ако се додаде инвестицијата во нови производи, опрема за производство и подобрувања), со што стана втор по големина инвеститор на приватен капитал во истражување и развој во цела Шпанија, според цифрите објавени од страна на Статистичката канцеларија Еуростат на Европската Унија. Само во Техничкиот центар, кој ги концентрира истражувачките активности на компанијата, речиси 1.000 високо квалификувани вработени работат дневно.

Историја на компанијата

Брендот ја достигна фазата на зрелост со консолидирана линија на производи и акумулација на вредно искуство кое што ја става на патеката на која ќе ги презема предизвиците на иднината со гаранции за успех. SEAT го олицетворува минатото, сегашноста и иднината на автомобилската индустрија на оваа земја.

SEAT стана истакнат бренд со интеграцијата во VW групацијата и е редовно присутен во повеќето пазарни сегменти со широк опсег на модели кои имаат домашен дизајн, силен карактер и медитерански шмек. Со здружувањето на ова големо партнерство, SEAT има придобивки од заедничкото инвестирање во истражување и развој, пристап до нови технологии и вредно ноу-хау во повеќе области.

Една од резултирачките синергии е споделувањето и заедничкото развивање на основни платформи за автомобилите на групацијата, што води до остро намалување на трошоците. Истовремено, проширувањето на европските пазари постојано расте благодарение на сеопфатната дистрибутивна мрежа на групацијата. Првичното занимање на SEAT како извозна компанија се засили во последните години.

Но работите не беа секогаш такви, ниту за брендот ниту за земјата. Кога компанијата беше основана во повоениот период, флотата на возила беше во нестабилна положба; немаше фабрики кои работат и потребите на персоналот за транспорт беа едвај задоволени со мотоцикли и микро-автомобили кои се движат на мотор од мотоцикл.

По неколку неуспешни обиди, се разви проектот SEAT во 1948 година преку иницијатива преземена од владата и конгломерат на приватни инвеститори. Контактите со повеќе странски производители најпосле резултираа со договор со Fiat.

Сето ова се случи точно пред шест децении. Историјата во фаза на создавање.

50-тите

Пред шеесет години, на денешен ден, во пролета 1950 година се случи создавањето на “Sociedad Española de Automóviles de Turismo “ -- SEAT. Компанијата беше официјално основана на 9 мај кога беше потпишан договор помеѓу јавната организација INI (Instituto Nacional de Industria, со 51% од акцискиот капитал или 600 милиони пезети во тоа време, еквивалентни на 3.6 милиони евра денес), седум големи шпански банки (42%) и италијанскиот производител на автомобили Fiat (7%), кој што придонесе со техничка проценка и лиценца за производство за нивните модели.

Фабриката, издигната на локација во Zona Franca во Барселона, веднаш до пристаништето, зафаќа површина од 20 хектари. Покриените објекти надминуваат 95.000 квадратни метри, од кои поголемиот дел (75.000 м2) е наменет за составување, 7.500 за канцеларии и лаборатории, 2.300 за термоелектраната и остатокот за складишта. Изборот на каталонскиот главен град беше арбитрарен – уште од почетокот на 20-тиот век, Барселона беше центарот за производството на автомобили во земјата, и за домашни (Hispano-Suiza, Elizalde) и за странски (Ford Motor Ibérica, General Motors Peninsular). Така што градот имаше сеопфатна индустриска позадина и огромен број на вешти работници.

Подвижната лента се роди во мај 1953 година, и првиот автомобил на SEAT се одвози на 13 ноември – 1400 А, импресивен седан со погон на задните тркала со 4 -цилиндричен преден мотор со 44 коњски сили, историскиот еквивалент на денешниот Exeo. Дневниот аутпут беше пет автомобили и работната сила беше 925, силна – но овие цифри подоцна се зголемуваат експоненцијално.

До крајот на 1954 година, 959 единици се доставени за продажна количина од 123 милиони пезети. Една година подоцна производството се искачи на 3.000 единици, со речиси 100% домашни компоненти, а бројот на работници беше 1.700. Во 1956 година, беа составени 7.000 автомобили; следната година цифрата беше 10.000. Две години подоцна бројот на вработени изнесуваше 5.000. Соочени со недостиг на поврзани индустрии, SEAT беше присилен да го стимулира создавањето на компании за набавка со цел да се национализираат сите компоненти на 1400; обезбедувајќи им техничка проценка, патенти и во некои случаи обртен капитал.

Во 1957 година SEAT го лансираше 600, што всушност и ги даде првите тркала на земјата. Влијанието на ова мало комерцијално возило со погон на задните тркала врз општеството во Шпанија е сеуште под социолошка анализа. Не само што за многу тоа беше првиот автомобил, туку претставуваше внесување на нов квалитет на животот кој обезбедуваше мобилност и слобода како што ниеден друг производ во Шпанија претходно не успеал да овозможи.

Неговото пристигнување ги трансформираше улиците и патиштата на Шпанија. Бројните микро-автомобили и мотоцикли без или со странична кола, кои беа толку чести, постепено се заменуваа. Бидејќи 600 беше вистински автомобил, со својот 4-цилиндричен мотор, неговите метални врати, простор за четири лица и дури и греење.

Новиот SEAT предизвика огромна возбуда и нарачките почнаа да пристигнуваат во огромен број. До март 1957 година имаше над 100.000 нарачки и компанијата не можеше повеќе да прима. Пазарот во тоа време имаше ограничена понуда и неколкуте постојни брендови имаа мал аутпут. Но SEAT беше во најдобра положба да го прифати предизвикот и за една година производствените цифри на 600 се помножија со шест. Профитот го достигна врвот околу 1956 година, со 15%. Во втората половина на деценијата, соодносот на дистрибуираната добивка постепено растеше достигнувајќи 13% во 1958 година. Рецесијата поврзана со економските реформи предизвика маржата да опадне и ги замрзна исплатените дивиденди во 1959 година. Маржите на добивката почнаа да се подобруваат во 60-тите поради големите порасти на продажбата и се израмнија на околу 10%.

60-тите

На почетокот на новата деценија SEAT веќе беше голем играч во автомобилската индустрија на Шпанија. Државата се сталожува во период на економски раст и постепено го заменува земјоделството со развои во нови сектори како што се туризмот или услугите, каде автомобилот игра клучна улога. Првичниот 1400 А беше редизајниран двапати; неговата последна верзија, 1400 С, ја наговестува шасијата на идниот SEAT 1500, седан кој претставува референтна точка за многу години, кој што имаше голема употреба во државната администрација (службено возило, полициски автомобил, амбулантен автомобил и т.н.), а се користеше и како такси.

Лансирањето на D верзијата во 1963 година се совпаѓа со цутот на 600, кој го доминира пејзажот на земјата. Големата побарувачка води до пораст во производството (од 80 автомобили дневно во првиот квартал на 1961 година до 100, следени со 120 и постепен пораст на 240 кон крајот на 1964 година), со намалувањето на трошоците, се намалува продажната цена и последователно се обновува побарувачката.

Иако листите на чекање се сеуште долги, населението во голем дел се префрла од мотоциклот на SEAT 600. Семејните излети за време на викендите стануваат се почести. Насекаде се појавуваат нови станбени простори. Дури и трките доживуваат подем благодарение на обожавателите на возењето. Неколку фази од историјата на Шпанија му должат многу на автомобилизмот за оживувањето на општеството. Во исто време кога расте индустриската мрежа со повеќе компоненти набавени од фабрика, можностите за вработување создаваат поголема работна сила, голем број од која потекнува од имиграцијата во Каталонија од јужните региони на Андалузија, Екстремадура и Мурсија.

Малиот автомобил со љубов е именуван seiscientos и за Шпанија претставува тоа што Renault 4CV е за Франција, Fiat Topolino и 500 е за Италија, Mini за Обединетото Кралство и Бубата за Германија – автомобил за народот. До 1973 година, вкупно 800.000 автомобили се составени, но Fiat има потешкотии во осигурувањето дека произведува само за локалниот пазар. Сепак, шпанците ја наоѓаат нивната прва (мала) дупка за 600 – и извезуваат 140 единици во Колумбија. Дури во подоцна, повеликодушна верзија на договорот за лиценца Fiat дозволува повеќе слобода – која на крај води, помеѓу 1970 и 1973 година, до тоа што SEAT 600 станува најпродаван автомобил во Финска!

Од самиот почеток, SEAT знаеше какво ќе биде неговото влијание врз општеството. Кога се градеше фабриката, 46.000 квадратни метри земјиште беа купени за изградба на станбениот простор на SEAT, како што изгледите за бранови на нови пристигнувања бараа нови квартови за живеење како и спортски и образовни објекти. Компанијата посвети посебно внимание и на учениците под обука кои ќе пополнуваат празни места, обезбедувајќи периодични сесии за обука на оние кои се заинтересиран за унапредување во некоја категорија.

Во овој период, SEAT ја консолидира својата дистрибутивна мрежа и ја зајакнува својата лидерска позиција на пазарот. Бројот на вработени изнесува 10,000, а дневно се произведуваат 300 автомобили. Производството се зголемува четирикратно на скоро 160,000 единици во 1967 година. Палетата модели е проширена со 1500 Familiar, 800 – верзија на 600 со четири врати дизајнирана од SEAT – и 850. Во 1967 година се основа FISEAT со цел клиентите да можат на лесен начин да го финансираат купувањето на својот автомобил. Во тој момент, SEAT вработува скоро 15,000 луѓе.

Зајакнат со нови договори помеѓу акционерите, Fiat го зголемува својот удел на 36%, додека пак INI го намалува неговиот удел на одоколу истото ниво и акцискиот капитал се зголемува двократно на 1,8 билиони пезети. Но, најважното е што Fiat го поддржува планот на SEAT за обид да извезе 20% од производството. Првичните пратки на SEAT 600 во Колумбија се претвора во извоз кон дванаесет различни земји.

Новиот 124 дебитира во 1968 година, компанијата има 20,000 вработени и годишното производство изнесува 200,000 автомобили. SEAT го брои првиот милион, жолт 124 оди во рацете на Роса Зумарага од играта на ТВЕ „Un millón para el mejor”. Во следните години, на пазарот влегуваат 1430, уште еден ексклузивен SEAT модел, и семејниот 124, со ниво на квалитет и перформанси и разумна цена, што ги сместуваат во засебна категорија што предничи пред нивните ривали. До крајот на деценијата, SEAT ја зацврстува својата позиција на водечки производител во земјата.

70тите

SEAT набрзо почнува да ги бере плодовите од зголемената куповна моќ на Шпанскиот народ. Во 1971 година, SEAT станува најголема шпанска индустриска компанија; а во 1974 година, со приходи од скоро еден билион долари, го зазема осмото место меѓу европските автомобилски произведувачи. Доказ за огромната стапка на економски пораст кон крајот на ерата на Франко е фактот што, во средината на седумдесеттите, повеќе од 48 проценти од домаќинствата поседуваат автомобил, десет години претходно - само 27 проценти.

Бројот на автомобили на патиштата во Шпанија продолжува да расте. На почетокот на седумдесеттите има скоро 2,4 милиони, од кои што половината го имаат знакот на SEAT. Овој бренд станува најголемата индустриска компанија во земјата, неполни 20 години по нејзиното основање. Палетата е проширена со спортските верзии на 124 и 132, луксузен модел, кој што продолжи онаму каде што застана 1500, а извозот се зголеми десеткратно со повеќе од 55,000 единици годишно во 1971 година.

Натпреварувањето Формула 1430, ексклузивно за едноседи опремени со двоосовински мотор е јасна индикација за натпреварувачкиот дух на SEAT. Тоа станува најголемиот настан на ниво на целата земја, особено во рели натпреварувањата, во кој што се забележани низа национални победи, како и две втори места и трето и четврто место на митското Монтекарло Рели во 1977 година, каде што возачи на официјалните 143-1800 автомобили беа Антонио Занини и Салвадор Кањелас.

Следејќи го текот на тогашните трендови, SEAT со новиот 127 преминува на погон на предни тракала, првиот повеќенаменски автомобил со преден погон (мотор и трансмисија) во 1972 година. Набрзо нему му се придружува домашната верзија со четири и пет врати, без италијански пандан. Марторел техничкиот центар се отвори во 1975 година со цел да ја задоволи потребата од развој на уникатни производи. Тој станува местото, каде што се калеми SEAT 133, првиот дизајн на компанијата, кој што е заснован на платформата на 850, чие производство дури е лиценцирано во Аргентина и Египет; моторот 1,010 cc со 52 коњски сили за 127 Especial, друг прв производ на компанијата, и смелиот 1200/1430 Sport, дизајниран во соработка со Inducar.

Првичната замисла на италијанскиот дизајнер Алдо Сесано бил мотор со заден погон NSU - со воздушни вентили во задните крила како остаток од претходните модели. Сепак, во SEAT, тие служат само за вентилација на багажниот простор, бидејќи моторот прпори напред, трансверзално вграден под агол од 16 степени. Шасијата доаѓа од 127, а моторот со 67 коњски сили од поголемиот 124.

Купето, кое што и ден денес изгледа импресивно, набрзо меѓу локалните жители го добива називот Bocandegra („црна уста“) поради тоа што има пластична маска околу главните фарови и решетка која што е секогаш црна, независно од бојата на каросеријата. На интерниот производ даден му е погон од 77 коњски сили во 1977 година и тој станува „1430“. Потенцијалните клиенти биле млади луѓе, кои што не можеле да си дозволат спортско купе 124. SEAT се врати на тој дизајн во 2008 со „Bocanegra“ студијата и, во 2010, пакет опрема за Ibiza SC оддава почит на магичното име со делумно црна предница.

Приходите во 1974 година достигнуваат скоро билион долари, што SEAT го сместува на осмото место на европски произведувачи и го прави единствениот, што дизајнира, развива и произведува автомобили во Шпанија. Добива нова производствена линија и централно стовариште во Марторел, бројот на вработени надминува 30,000, а дневното производство изнесува 1,900 автомобили. Но, развојот не запира тука; откако Authi се затвора во 1975 година, SEAT ја купува Ландабен фабриката во Навара на барање на INI како гаранција за работните места и го префрлува производството на успешно преобликуваниот 124.

Дотогаш, SEAT почнува да се соочува со сè поголемата конкуренција од странски фирми, кои што влегуваат на шпанскиот пазар во потрага по можности. Тие реагираат со модернизирање и преструктуирање на неколку аспекти во врска со нивната стратегија (производствени трошоци, работна ефикасност, палета на модели), имплементирајќи прирачници за грижа за корисници и нудејќи подобри гаранции (дванаесет месеци на сите модели, фиксни цени од договорот за продажба па сè до доставувањето, поправки во овластени гаражи, техничка помош на пат...).

Пред бројот на произведени автомобили на SEAT да достигне четири милиони, постојат илјада дилерски филијали. Достапни се нови модели (128, 131, Ritmo), а постојните се надградени (127, 132); Ландабен фабриката започнува со производство на спортските Lancia Beta Coupe и Beta HPE. Периодот на промени води до транзиција во демократија и развојот на нова, поурбана, подобро образована средна класа. Една слика што ја прикажува тогашната состојба е онаа на која што премиерот Адолфо Суарез пристигнува во Собранието со неговиот SEAT 127.

Но, работите не се толку прекрасни со сметките на компанијата. Билансот на успех за 1978 година покажува загуба од 10,374 милиони пезети со производство од 288,487 автомобили. Укинувањето на блокадите за увоз и владината индустриска политика во голема мера го помага влезот на странски компании. INI и банките со акциски удел предлагаат постепена продажба на до 81% од акциите на Fiat за период од две години со постојано внесување капитал. Fiat, по долги преговори, го прифаќа предлогот со низа услови, кои што вклучуваат либерализација на цените на автомобилите, намалување на работната сила доколку е потребно и економски гаранции од државата за побараните заеми. Но, иднината на SEAT крие уште понеочекувани промени.


80тите

И покрај престижот на нивните производи, SEAT внимателно продолжува во 80тите години. Пазарниот удел се намали за 26%, се намали и работната сила и се акумулираа загуби во вкупни износ од повеќе од 23,655 милиони пезети во 1982 година. Заглавен во финансиска дупка, Fiat одлучува да ја одобри втората фаза на зголемување на капиталот. Тие конечно склучуваат договор каде што Fiat ги продава акциите за симболична цена од една пезета и се обврзува да купи 400,000 возила произведени во Шпанија во следните пет години и да ги продаде преку својата мрежа под името на Fiat. Во исто време, SEAT може да ги врши извоз на своите модели кои не се произведени под италијанска лиценца.

Дојде вистинското време кога шпанскиот бренд требаше да застане на нозе, да се размрда и да почне од ново користејќи ги сите ресурси кои му се на располагање и да ја примени креативност и способност да реагира, она што е негова карактеристика. Три модели беа создадени во речиси три години, врз основа на постојните мотори, а беше презентиран и целосно нов автомобил кој ќе стане најголемата икона на компанијата. Обновувањето на SEAT вклучуваше и нова сино корпоративно лого и прилагодување на имињата на шпанските градови за нивните модели – Ronda, Málaga, Marbella, Ibiza…

Но патот беше лесен. Fiat поднесе жалба до Меѓународниот суд во врска со контроверзијата дека новата Ronda, дизајнирана од страна на Фисоре и Техничкиот Центар, кој се заснова на Ritmo, е премногу сличен на моделот од каде што води потекло. Но SEAT подготви специјалen автомобил со сите елементи по кои се разликува, и кој беше обоен во друга боја со цел да се покаже неговата оригиналност. Во 1983 година, судиите во Париз пресудија во корист на SEAT со што продолжи производството и извозот на Ronda. Уште еден позитивен развој се врските кои се развија со Volkswagen групацијата. SEAT потпишува договор за дистрибуција на моделите на Audi и VW преку нејзината дилерска мрежа и производството на Polo/Derby и Passat/Santana во Шпанија. Ова е првиот чекор кон нивна соработка која има големо значење и за двете.

Ако постои една кола која може да се идентификува со динамиката, амбицијата и нескротливиот дух на 80тите години во Шпанија, тогаш тоа е SEAТ Ibiza. Одразувајќи ја забавната страна на Медитеранскиот остров, неговото лансирање во 1984 година сигнализираше пресвртна точка на автомобилската сцена во Шпанија. Тој е првиот вистински домашен автомобил креиран од страна на SEAT, дизајниран од Џуџаро и засилен од Porsche, кој се стекна со кредибилитет благодарение на слоганот "Латински изглед, германски карактер". Без да се игнорира фактот дека јавната кампања беше наречена "Новата генерација пристигна" која имаше длабоко влијание во рамките на шпанското општество поради фактот што се совпаѓа со историските законодавни избори во 1982 година, клучниот фактор за успехот на моторот дизајниран во Штутгарт; благодарение на легендата за тоа дека во моторот на Ibiza е интегриран System Porsche, на SEAT му се надомести секое пени од германската фактура (а набавувачите добија надоместок од седум германски марки за секој продаден автомобил).

Откако тогашниот претседавач со VW, д-р Карл Х. го натера премиерот социјалист Фелипе Гонзалес да се согласи на приватизација на SEAT, Волфсбург групацијата, на 18 јуни 1986 година се здоби со почетно акционерство од 51 процент. Кратко време пред Божиќ, истата година, истото се зголеми на 75 проценти на удел во SEAT. Во исто време, извозниците кои се од суштинско значење за SEAT конечно почнаа со нивните активности. Изненадувачки, првите модели (Ronda) беа упатени кон Холандија! Во 1983 година, започна со работа новата подружница на VW во Германија, првично преку компанија за увоз, а од 1986 година, преку своја подружница – SEAT Deutschland Gmbh, основана во Мерфелден – Вардорф. Оттогаш, повеќе од еден милион возила на SEAT се внесени во Германија. Процесот на интеграција е бавен, и покрај другото бара VW да инвестира околу 500 билиони пезети. Во оваа фаза, спортскиот аспект на брендот доби нова димензија со формата на SEAT Sport.

80тите години за SEAT завршија многу подобро отколку што почнаа. Во 1989 година, годишно се произведуваат 474,149 автомобили, а компанијата повторно оди во минус. SEAT учествува со 15.2% во производството на VW групацијата, што е доволно за раководството во 1999 година да ги купи останатите 99.9%.Новата фабрика која се изгради во Марторел е избрана да стане главен центар за производство на брендот, а во исто време и една од најмодерните на континентот. Покрај тоа, благодарение на импресивната визит картичка на Ibiza, од која имаше околу 500,000 примероци, европските потрошувачи почнаа да го гледаат името на SEAT како симбол на оригиналност.

90тите

Целосно интегриран во германскиот конгломерат, SEAT ги исфрли другите два големи брендови на групацијата од изложбениот салон – Volkswagen и Audi – и зачекори кон развој на неговата нова палета. Неколку изложби за автомобили беа сведоци на измазнетото лице на првиот модел кој беше целосно создаден со користење на технологијата на VW за надворешниот изглед на Proto C, Proto T и Proto TL концептите на автомобили. На Барселона Мотор Шоу 1991 беше претставен Toledo, двоволуменец, седан за три лица, дизајниран од Џуџаро. И покрај неповолностите на пазарот, SEAT е петти на листата со 10%, а Ibiza е четвртиот најдобро продаван модел во Шпанија.

Во 1992 година Летните олимписки игри во Барселона беа одлична можност за SEAT, кој стана главен снабдувач на лесни возила за организаторите, околу 2,000 автомобили, и скоро сите беа од марката Toledo. Во почетокот на следната година се отвори фабриката Марторел, индустриски комплекс со 3 милиони метри квадратни и 404,000 метри квадратни кои припаѓаат на други објекти. Производството се зголеми на преку 1,500 автомобили дневно, за што беше потреба инвестиција од околу 244,500 милиони пезети. Од тука излезе новата Ibiza, опремена со каталитички конвертор наменет за сите пазари, и Córdoba, која ја замени старата Málaga.

Намалувањето на данокот за пет проценти (од 33 на 28%) за купените нови автомобили не беше доволно за олеснување на економската криза со која се соочи компанијата, која стана уште полоша со девалвацијата на пезетата. Тие одлучија да ја затворат фабриката Зона Франка во октомври 1993, каде активни останаа неколку канцеларии и преси за компоненти, и склоповите за Toledo беа префрлени во Марторел. Затворањето на симболичните објекти доведе до загриженост и индустриско дејствување, ставајќи ја иднината на SEAT во опасност. VW сака да инвестира 130 билиони пезети во спасување на SEAT доколку и администрацијата се согласи на истото – со 8 билиони од Каталан Генералитат и 38 билиони од централната влада. Операцијата ги зеде своите жртви и во однос на работната сила, која се намали на 12,600.

На 22 февруари 1993 година, Кинг Хуан Карлос од Шпанија и новиот претседавач на Volkswagen групацијата, д-р Фердинанд Пиех свечено го отворија објектот за производство Марторел. Една од најсовремените постројки во Европа беше изградена на површина од три милиони метри квадратни на место на зелена површина, во само 34 месеци. Втората генерација на салонски верзии на Ibiza и Cordoba се првите верзии кои ја напуштија производствената линија.

Презентацијата на прототипот Alhambra MVP во 1995 година, докажа дека SEAT планира да се развива со полна пареа напред. Alhambra и нејзините сестри близначки VW Sharan и For Galaxy ќе се прават во фабриката Палмела во Португалија, првото производство надвор од Шпанија. Во 1996 година се појавија производи слични на успешната Ibiza – Córdoba SX со две врати и комбето Inca, а следната година се појавија и првите спортски верзии на Ibiza Cupra. Водството на SEAT на Светското Првенство во Рели во 2-литарска категорија, три години по ред, од 1996 до 1998 година не остави сомнеж за спортските обиди на SEAT. 1997 е година на Arosa, првиот SEAT субкомпактен автомобил, и караванот Córdoba Vario.

Во 1996 година, беше забечежан позитивен годишниот биланс од 2,764 милиони, а следната година резултатите беа уште подобри, со нето профит од 11,051 милиони и 467,000 произведени автомобили, 12,5% подобро од претходната година. Исто така се зголеми и продуктивноста (од 63 на 59 единици по работник годишно) а во фабриката Марторел се произведуваат 2,046 единици дневно во споредба со оригинално предвидените 1,100. Во истата 1998 година дебитираше- втората генерација на Toledo, а Ibiza броеше 2 милиони произведени единици на линијата за склопување, SEAT успеа да го префрли производството на Arosa во Марторел (во почетокот произведуван од VW во Волфсбург) и да го префрли Polo во Ландабен, врз кое повторно стекна сопственост. Toledo II беше оригинално направен во Брисел, додека поголеми количини можеа да се произведат во Марторел. Не е треба да изненадува фактот што тука може да се извршува толкаво производство; со 13,500 работници кои дневно произведуваат 2,200 автомобили, тоа е едно од најпрофитабилните фабрики за автомобили во Европа.

Во овој период, SEAT објави комплетно обновување на својата линија на модели во следните пет години, и инвестираше 200 билиони пезети за истражување и развој, финансирани со сопствени средства. Ова беше овозможено благодарение на годината со рекордни профити (24,462 милиони пезети, 121.4% повеќе од претходната година). Компанијата претстави два нови уникатни автомобили на Женева Мотор Шоу - концепт автомобилот Fórmula и Toledo Cupra V6 - и неговиот нов корпоративен идентитет – стилизирано црвено S кое силно ги претставува вредностите на брендот SEAT- пасија, спортски карактеристики, динамика и технологија.

00тите

Динамичната линија, стилската тема на SEAT во 21 век која беше изнесена од страна на новиот директор за дизајн на компанијата, Валтер да Силва, ја постави насоката на дизајнот на прототипите Salsa и Tango. Во исто време, линијата на моделите минуваше низ суштинско обновување. Постојат повеќе верзии на León (150 hp TDI, Cupra, Cupra R и FR), Alhambra и Arosa претрпеа измени, беа претставени третата генерација на Ibiza и втората генерација на Córdoba, a SEAT Sport лансираше лимитирана серија на Ibiza Cupra R. Откако го освои германското рели со Córdoba WRC, SEAT се повлече од настанот, но се врати на шпанските трки со организирање на првиот Supercopa León во 2002 година. Со искуство од пола век и како дел од истата групација како и брендовите Audi и Lamborgini, SEAT решително оди напред, и веќе ги продава своите автомобили преку Интернет (www.eSEAT.com) и усвојува нов слоган кој гордо ја истакнува неговата непогрешлива латинско медитеранска личност: autoemocion.

Во текот на оваа фаза SEAТ повторно прибегнува кон натпреварување. Стотиците победи на рели натпреварите и патеките во текот на годините го наполнија кабинетот на SEAT со трофеи на кои може да им се позавиди, но спортската политика на SEAT оди кон нови нивоа. Во 2003 година, компанијата го регистрирaше Toledo Cupra во Европскиот шампионат за трки со автомобили (ETCC European Touring Car Championship). Тие се натпреваруваат во 2004 година а во наредната година настанот станува глобален (WTCC). SEAT почнува да се трка со Toledo Cupra, на пола пат го менува со новиот León. Брилијантните првични резултати (трето место во 2008 и второто место во 2007) само го засили апетитот за она што следуваше – SEAT ги надмина сите ривали кои возат на бензин и León TDI ја освои и титулата за најдобар возач и титулата за најдобар производител во 2008 и 2009 година. Благодарение на напредната дизел технологија, SEAT успеа вo нешто што на прв поглед беше невозможно. Тоа беше за прв пат една шпанска марка да освои титула и апсолутно прв кој со дизел мотор успеа да го освои светското првенство со автомобили.

Како резултат на тоа, скоро целата линија вклучуваше спортска Cupra R и FR верзија, вклучувајќи ја и новата Altea. Iibiza ја надмина бројката од 4 милиони единици. Опсегот се зголеми на повеќе видови и еволуираше паралелно со последните трендови на пазарот. Името кое беше избрано за новата Ibiza SC SportCoupé Bocanegra го разбуди минатото на SEAT - овој популарен прекар за спортската 1200.1430 Sport во 70тите години остана во колективното сеќавање на земјата. Покрај тоа, новиот Exeo презентиран на Париз Мотор Шоу 2008 сигнализира дека SEAT се придвижува кон сегментот семи-премиум. Престижот на SEAT како квалитетен производител на автомобили со спортски карактеристики и по разумна цена не престана да расте уште од почетокот на овој милениум.

назад