Пионерски развиен од страна на Audi, SEAT-овиот партнер во бренд групацијата, TDI означува дизел мотор со турбо полнење. Овој тип на мотор со високи перформанси го карактеризираат економичност, намалена емисија на штетни издувни гасови и зголемен вртежен момент.

Достапен во 2.0 TDI* со 140 кс и 1.9 TDI* со 105 кс, генералниот принцип на функционирање на TDI е: турбополначот внесува воздух во моторот и обезбедува полнење на цилиндарот до оптимално ниво.

Потоа, во последниот дел на тактот на компресија, дизел горивото под мошне висок притисок се вбризгува во комората за согорување каде се создава лесно запаллива смеса од гориво / воздух.

Ова ја намалува емисијата на штетни гасови во околината, ги подобрува перформансите и благодарение на добрата изолација на моторот и хидрауличните системи се намалува бучавата и се овозможува глатка работа на моторот со ниски вибрации.

*Дополнето со технологија на пумпи бризгалки со селективно вбризгување