SEAT EXEO ST не е нешто што го имаме направено досега: тоа е нашиот најсвеж израз на "auto emoción" и е темел во нашиот напредок кон повисоко ниво на квалитет, дизајн и перформанси, адаптирани за модерниот животен стил на нашите возачи. Смелата мешавина на најфини материјали, најнова технологија и интелигентен дизајн ја карактеризира динамиката што ја поседува и го прави овој автомобил едноставно совршен за сè она што сакате да го вметнете во вашиот ден

Плус сè она што сакате да го вметнете во багажникот, да бидеме конкретни..

SEAT EXEO ST ви овозможува простор, создавајќи рамнотежа меѓу работата и рекреацијата во ваш стил. Дизајнот на задниот дел на овој совршен караван ви обезбедува доволно простор за сè што ќе предвидите во вашиот планер. Екстериерот е динамичен исто како и вие: дефиниран од елегантните линии што течат и како да предлагаат движење, тој е предодреден за љубопитни погледи каде и да ве одведе денот. Зголемениот сооднос помеѓу стаклената површина и каросеријата му дава на автомобилот неоспорен урбан стил – сето тоа истакнато од стаклата со дополнително затемнување, како и опционалните 16", 17" и 18" фелни од лесна легура. Боите на екстериерот и ентериерот и изборот на материјалите се компатибилни со изгледот на новата лига во која влеговме со дизајнот на овој автомобил: рафинираните бои на екстериерот, врвниот квалитет на материјалите и кожата на седиштата, софистицираната изработка на покривот и облогите на вратите, како и опционалните дрвени детали на инструмент таблата, го претвораат вашето време за возење во квалитетно употребено време. Дали напоменавме дека управувачот и менувачот обложени со кожа и спортските седишта се сериски во Style и Sport верзиите? Со SEAT EXEO ST, пристигнувањето до следниот состанок е нешто во што ќе уживате.
 

Кога зборуваме за SEAT EXEO ST, мислиме на употребена најнова технологија што ви ги олеснува нештата, овозможувајќи ви да уживате во возењето на најудобен начин. Опционалниот сензор за дожд ги активира бришачите при детекција на капки и го регулира интервалот на бришачите во зависност од интензитетот на дождот. Опционалниот анти-рефлексен внатрешен ретровизор се затемнува веднаш штом ќе забележи сноп светлина од возилото зад вас. Но тука се и опционалните задни и предни сензори за паркирање. Плус – доколку одберете предни седишта со електрично придвижување – следува и самоприспособување на совозачкиот ретровизор при возење наназад, правејќи ја ориентацијата подобра и штитејќи ги вашите фелни од гребнатинки. Сега, што би кажале за опционалниот електричен сончев покрив со интегрирани соларни ќелии што ја одржуваат совршената температура во кабината лете, или пак за ветробранското стакло отпорно на топлина што ја намалува температурата на ентериерот за 10ºC? Тука е и опционалниот сензор за квалитет на водухот што ги затвора вентилите за внесување воздух во кабината доколку детектира зголемено ниво на оксиди? Да го кажеме уште ова: земајќи предвид дека ситниците ги исфрливме од списокот – време е да продолжите со забавниот дел од денот.